GAÑADORES DO I CONCURSO DE RELATOS "PARALO ESTÁ NA TÚA MAN"

O martes 27 de novembro foron entregados os premios aos mellores relatos do I Concurso de relatos "Paralo esta na túa man" convocado polo Concello da Fonsagrada e o IES Fontem Albei  co que se promovía ademais  da iniciativa literaria , a reflexión sobre as desigualdades que segue habendo que afectan ás mulleres e, por suposto, a repulsa contra a lacra da violencia de xénero.

Os gañadores foron:
1º premio: Sandra Bravo Ramírez. Relato
2º premio: Lur Perona Bzik (alumno de 4º ESO). Relato
3º premio: Uxía Castro Fernández (alumn de 4º ESO) Relato

Queremos darlles os nosos parabéns, e non só a eles senón a todos os participantes, que foron moitos. Estamos moi contentos pola acollida e o éxito que tivo, agardamos que siga en próximas edicións

25N

Outra das actividades que lles propuxemos ao alumnado para conmemorar o Día Internacional da Eliminación da Violencia sobre a muller, consistiu en invitarlles a reflexionar sobre as causas e as consecuencias deste tipo de violencia. Os obxectivos que nos marcamos foron os seguintes:


- Traballar a educación en valores, a empatía e o rexeitamento da violencia de xénero.

- Fomentar no alumnado a sensibilización, o debate e a reflexión sobre comportamentos e contidos sexistas.





A continuación, pedíuselles que plasmasen esas reflexións sobre as caras dun tetraedro, co propósito de xuntalos todos e construír o fractal matemático coñecido como “Tetraedro de Sierpinski”.

Logo de varias semanas de traballo, este foi o resultado final.

 

Moitas gracias a todos polas vosas aportacións, xa vedes que por pequenas que vos pareceran eran indispensables para que o fractal final se tivera en pé... 

 

 

HEROÍNAS DA FONSAGRADA

Como parte do Proxecto Piteas e o Plan Proxecta sobre Igualdade nos que participa o IES Plurilingüe Fontem Albei, os alumnos farán unha serie de retratos en homenaxe ás mulleres de Fonsagrada, acompañados dun texto sobre a labor que levan a cabo cada unha delas.

Esta actividade está inspirada no proxecto "Heroínas De Tódolos Días" de Camino Casabella, artista e profesora de Debuxo do centro, exposto no Centro Asociado da UNED en Lugo dende o 9 de novembro ata o 13 de decembro de 2018. Os alumnos realizarán as súas propias pinturas nun obradoiro impartido pola artista, que lles presentará o sitio web do seu proxecto e lles explicará o proceso de elaboración dun retrato.

En palabras de Camino, 

"O noso obxectivo é poñer no centro de atención a contribución que fan as mulleres ó progreso social, económico e político do mundo, pois en numerosas ocasións pasa desapercibida, e tamén desmenti-la crenza de que as mulleres non saben liderar.

A miúdo, pretenden que creamos que os heroes son as figuras da política, do deporte, da música ou do cine, que típicamente son homes. Nembargantes, nós pensamos que as heroínas de verdade son moito máis interesantes: médicas, enfermeiras, nais, profesoras, bombeiras… Mulleres ordinarias que fan cousas extraordinarias tódolos días. Todas elas teñen unha meta en común: queren traballar para contribuír a mellora-la súa contorna. 

Son mulleres abrindo camiño para que máis mulleres se adiquen a profesións tradicionalmente dominadas polos homes. Mulleres pioneiras, que rachan estereotipos de xénero, e adoitan roles de liderado. Mulleres que axudan a outras a acada-las súas metas. Mulleres e nenas que alzan a voz polos seus dereitos e loitan por eles. 

O noso proxecto é para todas elas." 

Para máis información, visitade o sitio web de Camino Casabella:

https://www.sites.google.com/view/caminocasabella

I Concurso de relatos "Paralo está na túa man"

Está en marcha o primeiro concurso de relatos en colaboración co Concello da Fonsagrada. 

Consulta as bases e inscríbete: